Tak Dungakno Ojo Matek Sik, Ben Jelas Iku Bom ta Mercon

Netizen ruame. Puolll temen ramene. Update te dugaan bom bunuh diri nang ngarep Pospam Kartosuro, Solo, ngalah-ngalahi sopo ae. Termasuk berita tivi sing on terus-terusan ket jam 11 bengi mau, 3 Juni 2019.

Tambah jam, tambah geser wektune, tanggal geser dadi 4 Juni 2019, netizen sik ngenteni statemen resmine polisi. Arek sing njajal awak bunuh diri iko mau akhire yok opo. Sido urip ta sido matek. Nek urip digowo nang rumah sakit endi. Nek matek yo dikubur nang endi. 

Rasane dudu netizen nek gak kepo paling ndisiki. Erohhh ae. Mergo weruh iku, netizen pada urun donga. Dongane sepele ae: tak dungakno ojok matek sik rek, ben jelas sak kabehe. Koen mau temenan katene bunuh diri ngebom, ta mek dulinan mercon. Mergo mercone kegeden trus mbledake dadi koyo bom.

Netizen yo wis oleh fotone sing ngembom Pospam Kartosuro. Raine elek, koyo tekek (fotone koyo nang ndukur iku, red). Tapi ojok matek. Nek matek bakal rodok angel ngenduse polisi kaitane karo opo maksute ngebom Pospam.

Rupane, ambulan sing nguing-nguing ngejos koyo lakune lesus, nggowo arek sing kejet-kejet mergo kenek bom e dewe mau nang RS Muwardi Solo. Rumah Sakite iku arah etan saka TKP, persise nang Jalan Ir Sutami. 

Dokter-doktere patut diacungi jempol. Pada sigap. Masio arek nggatheli iki katene ngebom sing isok nggarai  nyawae wong liyo ilang, tetep ndang digarap. Nyawae dislametno. Mergo tujuane dowo, nek nyawane slamet kabeh isok diungkap. Sopo jane arek iki. Trus apa maksute kok ngincer Pospam.

Sak jane sopo se arek iki? Jaringan teroris Solo sing memang duwe cikal bakal nang wilayah iki? Bener arek JAD apa arek bejad biasa? Makane ta didungakno ojok matek disik, ben iso diendus cita-citane. (idi)