Arek Punk Nyolong Duit Maklike Dewe Gae Dugem

Arek iki ancene nggatheli tenan. Mosok, maling duite adike mbokne dewe nang kosane mergo mung atene dugem alias seneng-seneng ing wektu bengi.

Iki sing dilakoni Agus Hariyanto (20 tahun). Arek punk iki nekat mbobol kos-kosan nang kawasan Tubanan Suroboyo. Njeketek, kos-kosan sing dibobol iku duweke maklike dewe.

Piye ceritae kok isok keponakan mbobol tempat kose maklike dewe? Ngene ceritane. Arek sing dadi anggota komunitas punk Balongsari iki nyambangi kos-kosane maklike sing jenenge Musyaroh (35 tahun).

Jebul, wektu nang kosane, Musyaroh sing adike mbokne dewe iku pas nggak ono nang omah kos. Nah, ndelok kose maklike kosong iku, mak mbedunduk muncul niat jahat nang uteke Agus. 

Ndeke ndelok onok gunting nak kosane maklike. Kati gunting kui, Agus nyoba nyongkeli jendeo kosan. Sakwise kasil, keponakane Musyaroh iki nggasak perhiasan, surat berharga, lan alat las karbit.

Sing tambah nggatheli maneh, sakwuse kasil mbobol kosane maklike dewe, Agus terus nglego barang-barang kuwi. Duwite digae mabuk-mabukan nang penggonane dugem. Kurang ajar tenan kan?

Sakwise ngerti omah kose dibobol lan barang-barange ilang, Musyaroh lapor nang Polsek Tandes, Suroboyo. Polisi terus nerjune Unit Reskrim ngge nyelidiki kasus pencurian omah kos iki.

Akhire ketemon. Njeketek sing mbobol kosane Musyaroh lan nyolong barang-barange ponakane dewe sing dadi arek punk. Gak butuh wektu suwe, Agus ditangkep lan dikecrek polisi. 

Mangkane ta, nek durung isok golek duit dewe ora usah kakean tingkah. Opo maneh mabuk-mabukan nang panggonan dugem. Kelebon setan, omah kos maklike dewe diembat. Yo mesti ae gampang konangan.

Mamulo...mamulo.... Rasakno kon saiki, isok lebaran nang kunjaran tenan. (Rif/dinukil soko jpnn)