Oke. Nek umpane duwe duit, Ferrari jingkrak-jingkrak model anyar iki tak gowo mole. Tak tuku. Piro se regone? Gak sampek 50 miliar kan? Gendeng! Nggatheli! Bener duwe duit ta koen? Iku mobil regane 20,9 miliar rupiah. Hahaha iya, nek duitmu 50 miliar ancen sik susuk akeh. Oke. Nek ancen regane 20,9 miliar rupiah, awake dewe tak turu ambek ngimpi ae. Ambek ngiler barang. Gak nggenah, mosok mobil larange sampek koyok ngono. Matek dewe lak enak. Gak patheken tuku.
Yo wis nek mek ngiler thok. Gak usah diterusno. Timbang koen mengko gantung diri malah repot. Iko sik rioyo soale. Dadi ngene lho critane; pabrik mobil sing duwe logo jaran mbeker ambek jingkrak-jingkrak sing pusate nang Italia, Ferrari,durung suwe iki ngetokno andalan anyare sing dijuduli SF90 Stradale. Gawenan anyar iki digembar-gemborne nganggo teknologi hybird. Mesine kenek diuripno nggawe lengo, nek gak lengo yo ambek listrik. Trus regane iku banderole 1,3 yuta Euro, utowo podo karo 20,9 miliar repes. Koyo dinukil tekan Carscoop, wingi, Ferrari asline durung mbukak kabeh regane SF90 Stradale. Ning salah siji diler nang Jerman Selatan mbocorno rego iku. Ferrari anyar iki lagi isok dituku, onok nang pasaran taun 2020 emben. Koyok sing beritakno, Ferrari SF90 Stradale nggendong mesin V8 4.0 liter turbo. Tenagae koyok 769 jaran sing mlayu bareng. Torsine mentok notok 800 Nm. Gak iku thok Ferrari yo ngemas motor listrik jumlahe telu. Tenagae baterai lithium ion. (idi) Ferrari