Kapok Kon...Ngendani Polisi, Dahlan Kurir Narkoba Kecemplung Got
Onok-onok ae. Iki polahe kurir sabu-sabu, salah sijining jenis narkoba. Goro-goro ngendani polisi, Ahmad Dahlan (34 tahun) kecemplung got nang dalan Sriwijaya Suroboyo.
Kapok Kon! Pingine slamet nanging malah kecolok polisi kanti mambu lan belepotan endut. Dahlan ketangkep polisi soko Unit IV Subdit II Ditresnarkoba Polda Jatim. Wes direwangi endo, eh malah ketangkep mergo njegur got. Apes tenan.
Kedadean lucu iki sakjane wes awal Mei kepungkur. Ning, baru kebuka jik entas ae. Soko tangane warga Pandegiling Suroboyo iki, polisi ngerampas narkoba jenis Sabu-Sabu (SS) abote 28,46 Gram.
Sakdurunge ketangkep, anggota Unit IV Ditresnarkoba Polda Jatim sing dipimpin Kompol Rony entuk informasi nek ono transaksi narkoba nang Jalan Sriwijaya jam 01.00 parak esuk.
Mangkane, telu anggota polisi nyamar dadi tukang ojek online lengkap nganggo seragam ijo. Saben-saben polisi nggowo motor dewe-dewe. Onok maneh petugas sing nggowo mobil operasional.
Jare Rony, tim sing dipimpin ngawasi soko kadohan transaksi kuwi. ''Iki kange mastekno bener-bener wong sing diincer karo polisi,'' jarene.
Pas wektune, bener onok transaksi. Terus, telu anggota polisi mau langsung ngadang Dahlan. Eh, ngerti onok sing ngadang, de'e mbalik kucing. Nangin, nang burine wes onok polisi sing ngadang ugo.
Ngerti gak iso ngelak, Dahlan mudun soko montore terus mlayu sipat kucing. Polisi nggak gelem kelangan buronane. Uber-uberan lan sampek nguwehi tembakan peringatan.
Tembakane polisi ngarah nang sikili Dahlan. Kurir narkoba iku nganti loncat-loncat ngindari peluru. Mergo loncat-loncat nang pingir goty, akhire Dahlan kejegur got sing mambu sing onok mburine Kantor BCA.
Ngerti Dahlan kejegur got, polisi mareni nembak. Kurir narkoba sing lagi apes iku langsung dikeler nang Polda Jatim kanti awak klebus lan mambu peceren got. Apes polll, ha...ha...
Dirresnarkoba Polda Jatim Kombespol Sentosa Ginting Manik ngakone nek Dahlan sakjane wes diincer polisi suwe. De'e wes dadi target operasi (TO) polisi mergo ulahe dadi kurir narkoba. (Rif/dinukil soko JPNN)