China Nesu Temenan Ambek Amerika Soal Hongkong
Pemerintah China gregeten ambek Amerika Serikat. Mestine, nek cara Suroboyo e, gregetene ambek misuh-misuh. Koyok opo misuhe cara China yo? Wis embuhlah, gak perlu dibahas dowo, sing jelas mestine duduk nggatheli opo jancukan.
Beritane ngene, paling gres, dikuping saka VOA Indonesia, utusan Amerika sing nang Beijing diceluk ambek Pemerintah China. Nyeluke ambek raine abang mbranang. Atine semi kobong.
Intine ngene, Pemerintah China protes tes ambek cangkemane Washington soal rancangan Undang-Undang ekstradisi Hong Kong. Cangkamane Washington dianggep kontroversial.
Le Yucheng, Wakil Menteri Luar Negeri China nyeluk Robert Forden. Robert iku Wakil Duta Besar Amerika sing nang Beijing. "He Bert, koen tak celuk mrene. Koen kudu teka. Nang kantorku. Aku katene protes paling atos. Protes ambek omongane negaramu soal Hong Kong," ngono jare Kementerian Luar Negeri China pas ngekeki bocoran.
Le Yucheng, lewat Robert, negasno, nek China gak sudi nrimo omongan opo maneh okole asing. Okol sing nyampuri urusane Hong Kong.
"Pemerintah China njaluk Amerika Serikat gak sapenak cocote campur tangan soal Hong Kong. Pokoke Amerika kudu mandeg jegrek melu-melu sing duduk urusane. Nek Amerika sampek melu-melu koyok saiki, iku pada ae ambek ngidek-idek stabilitas Hong Kong. Nek koen tetep nerusno lakumu, ojok nyalahno nek China njukuk tindakan," ancamane Le Yucheng.
Barengan karo iku, China uga njaluk Amerika Serikat ojok sakpenake nglolosno legislasi gawe nanggepi krisis Hong Kong sing onok kaitane ambek rancangan undang-undang ekstradisi sing lagi rame iku.
Gak mek Le Yucheng thok sing omong atos, Juru Omong Kementerian Luar Negeri, Geng Shuang, yo ngomong gak kalah atose. Geng Shuang ngomong ambek pers, jelase opo ae rencana sing isok nggawe kacau stabilitas di Hong Kong gak bakal kodal nek sik ono Pemerintah China. Jadi ojok macem-macem.
Awale, atose China ambek Amerika iku ngene, AS ngerti-ngerti ngusulno soal legislasi nang menteri luar negerine. Usule AS kudu ngetokno sertifikasi tahunan kaitane ambek otonomi Hong Kong. AS matok hukum sing didasarno Undang-Undang Amerika kaitane ambek wilayah eks koloni Inggris iku sing onok neng tahun 1992.
Wis pokoke ngene, Beijing mendelik ngelingno AS, ojok wani-wani, ojok sak penak udele nyampuri urusan Hong Kong sing duduk urusane. Hong Kong iku urusan internal, ojok kathek nggatheli melu-melu urusane wong liya. (idi)