Wis Gak Kelet Koyo Ketan, Bar Lebaran Podo Pegatan

ngopiKampung Kamis, 20 Juni 2019 15:06 WIB

Balekno sandal, bantal, karo ilerku, pegatan awake dewe saiki. (Foto:Ilustrasi/Grid.id)

Lebaran akeh wong salaman. Bar lebaran akeh wong podo pegatan. Yok opo se, ironis yo. Nanging yo ngono iku kenyataanne. Wis embuhlah, bekne wong-wong iku pancene wis gak iso kelet koyo ketan. Iki duduk gombalan lho. Iki crito temenan. Kedadeyane nang Sleman. Sleman iku wilayah kabupaten nang Provinsi Daerah Istimewa Jogjakarta. Pengadilan Agama Sleman bubar lebaran 2019 iki, sing bubare yo siktas wingi ae iki, uwis nyidangno 30 perkara pegatan saben dino. Pengadilan nyatet, pasangan-pasangan sing njaluk pegat iku rata-rata perkorone soal tanggung jawab. Gak wong lanang thok, nanging yo wong wedok barang. Muslih, Panitera Muda Gugatan PA Sleman nyebutno, sing daftar pegatan akeh-akehe ngomong alasan tanggung jawab, wis gak harmonis, selingkuh, pihak ketelu, perkoro morotuwo sing melu-melu urusan omah-omah.

Rata-rata, sambung Muslih, bendina onok 40-50 pasangan sing disidang. Nanging jumlah iki gak kabeh murni pegatan. Onok sing isbat kawin barang. Nek sing mesti pegatan ya mesti 30 pasangan iku.

Nek breakdown maneh, jare Muslih, catetane Pengadilan Agama, wulan April onok 143 perkara pegatan. Rinciane, 34 pegatan talak, 109 ngugatnpegatan.

Iku April yo. Sing Wulan Mei onok 106 daftar perkara pegatan . Cacahe 33 pegatan talak, 73 pegatan murni. Ramadhan ambek meh Lebaran wingi mudun sithik. Trus bar lebaran iki, bek mencep sing njaluk sidang.

Nek akeh sing njaluk sidang, trus opo yo onok sing njaluk sidang rujuk?

Blas. Babar blas. Gak onok. Nol puthul. Kabeh pada njaluk pegat del. Jare, Muslih.

Trus, nek wis podo pegatan, sing nampani rondone sopo Cak? Koen gelem ta? Karepmu dewe! (idi)