Polisi Mbelgedes Gelem Ngentup Gak Gelem Anake, Dilapurno Propam

Polisi saiki apik-apik. Jenenge barang apik-apik. Nggantheng-ngatheng, ayu-ayu. Tapi yo sik onok lho polisi sing mbelgedes. Opo maneh lak mbelgedese onok kaitane mbarek wong wedok.

Kadang, sak karepe dewe. Sak penak udele dewe. Wong wedoke dientupi entek ngamek kurang golek, krasa penak, trus meteng. Nek wis meteng wong wedoke ditinggal gledak ngono ae. Nggatheli kan?

Lakon nggatheli ngene iki dipraktekno mbarek oknum polisi, DP 24 tahun, Brigadir Polisi dua. Arek iki anggota Sabhara Polresta Jogjakarta. Merga kelakuanne sing nggatheli iku mau, gendakane sing saiki meteng, nglaporno DP nang Propam Polda DIJ.

Gendakane DP, Kemiri, jeneng samarane, 28 tahun, wong Desa Trimulya, Sleman, Jogjakarta, ngaku nek deweke saiki lagi meteng telung wulan. Wis tahu njaluk tanggung jawabe DP, njaluk rabi, eh... dekne malah diajar sampek sampek untune prothol. 

Gak trimo dianiaya model ngono, Kemiri teka nang Kantor LKBH Pandawa, Jogjakarta, njaluk bantuan hukum ambek perlindungan. Kemiri, dikancani LKBH kuasa hukume, teka nang Mapolda DIJ nglaporno kasuse. Bribda DP dilaporno koyo ditulis nang pasal 351 KUHP bab pengaiayaan, mbarek kode etik polisi koyo sing diatur nang Perkap Kapolri Nomor 14 Tahun 2011.

Mbarek sembab raine, membik-membik katene nangis, Kemiri crito bab hubungane karo Bribda DP. Persise setahun kepungkur dekne dikenalno kancone karo lanangan polisi jenenge DP. Salaman, klop, mlaku bareng, rong wulan bar iku langsung ngerek gendero gendakan.

Awale ndak popo. Apik-apik ae. Rong wulan gendakan DP mulai nganeh-anehi. Sering ngajak cek-cok. Trus kasar. Nek wis kasar trus ngawur. Ngamplengan. Opo maneh nek penjalukane ngentup gak dilayani. Tambah ngamplengan. 

Mergo Kemiri iki ayu, menik-menik, kenalane yo akeh, koncone lanang pun yo akeh. Nanging sakwise ngerek gendera resmi gendakan mbarek DP, asline Kemiri wis ngurangi kekancan mbarek lanang liya.

Ngono iku DP sik cemburu ae. Leren cemburune nek Kemiri wis pasrah bongkokan dientup sak geleme. Mergo dientupi koyo ngono iku akhire Kemiri saiki meteng telung wulan.

“Jane aku yo wis ngempet mas. Ndak kuat. Tapi wis kadung aku meteng ngene yok opo maneh. Tak jaluki tanggung jawab, aku malah dikamplengi. Sing iki parah, untuku sampek prothol,” Jare Kemiri nang Kantor LKBH Pandawa, Senin 5 Agustus 2019, wingi.

Kemiri, sing ayu iki sampek pernah mlebi rumah sakit merga dikamplengi DP. Akhir bulan wingi, matane sampek getihen diajar DP. Iku durung termasuk pipi, tangan, karo untune sing prothol. Akhira mlebu RS Pantirapih Jogjakarta.

Nasrul Arsyad, SH., kuasa hukume  Kemiri crita, jane Kemiri wis apik-apik njaluk tanggung jawab janin sing nang wetengi. Keluargane yo ngomong apik-apik, nanging yo ditolak entah-entah. Wegah ngrabi jare. Bripda DP jian gak kooperatif blas.

Gelem ngetupe gak gelem anake. Lanang model opo ngono iku. Polisi pisan. Mergo iku dekne dilapurno ae kenek pasal 351 penganiayaan ambek pelanggaran kode etik polisi. Kudune polisi iku mengayomi, iku malah gak. Ngamplengan, metengi anake uwong pisan. (*)