Njeketek, Jare Kapolri Provokator Demo Rusuh Bayaran

Rong dino iki, Ibukota Jakarta nang dalan-dalan sepi. Brompit alias motor lan mobil sing biasane mampet ndek embong-embong koyok ilang. Iki goro-goro aksi unjuk rasa sampek rusuh ndek Tanah Abang, Petamburan, lan Slipi.

Kedadean sing mbencekno wong akeh itu mulai mau bengi. Tengah wengi maneh. Sak durunge, massa sing demo ndek ngarepe Bawaslu Jalan Thamrin Jakarta ayam tur lancar. Malah, massa buko bareng tur salat taraweh bareng. Yo onok ae sing orasi.

Lha kok sak wuse demonstran sing apik-apik iki moleh, ono rombongan demonstran sing gae ontran-ontran. Massa arek-arek nom-noman iki teko bergelombang ndek Jalan Wahid Hasyim. Sing kurang ajar, arek-arek iku provokasi polisi.

Soyo bengi, polisi ngajak mediasi. Mbujuk supoyo arek-arek iku bubar. Eh, ngeyel. Malah, ono sing manas-manasi bandemi watu polisi. Onok maneh sing balang bom molotov. Mesti ae, polisine dadi nggak sabar. Dadine rusuh. Polisi ngransek demonstran gae blegur banyu lan gas air mata.

Sampai sore iki, 22 Mei 2019, demo rusuh sik berlangsung. Malah, meluas sampek tlatah Slipi. Nang kono, ono obong-obongan. Truk Brimob dibakar. Gerombolan arek-arek gak bubar-bubar. Garai wong Jakarta wedi lungo.

Sakjane ngono, nek demo apik-apik ya ra opo-opo. Lha wong onok undang-undange. Ning, nek wis demo gae rusuh, yo dadi masalah. Sing gae rusuh yo isok dikecrek. Opo maneh gae ngrusak fasilitas umum.

Coba pikiren, wes ayem-ayem tur digae obong-obongan. Kegiatan ekonomi mandek kabeh. Wong-wong sing menstine nyambut gae nang tengah kutho dadi ora iso mlebu. Wedi melu dadi korban kerusuhan. Kan dadi rugi kabeh.

Sing mbencekne meneh, jare Kapolri Tito Karniavan, demo iki wes ra karu-karuan. Ora mung murni pengen nyampekno aspirasi politik. Nanging ancen pingin gae rusuh. Gae ora amane negoro.

Lho opo buktine? Jare Pak Tito, hasil pemeriksaan provokator demo sing wes dikecrek polisi, arek-arek iku onok sing bayari. Wektu diperikso, arek-arek iku ngaku nek dibayari wong nggo aksi.

''Sing wes diamano, termasuk ndek ngarepe Bawaslu, polisi nemokno amplop iai duit totale 600 juta. Amplope pisah-pisah. Arek-arek itu ngaku onok sing mbayari,'' jare Tito wektu Konferensi Pers ndek Kantor Polhukam Jakarta.

Nek bener onok sing bayari gae rusuh, ancene gatheli tenan arek-arek iku. Sumpah disamber gledek wong sing bayari arek-arek go gae rusuh. Ora mung arep mlebu neroko. Ning iso ra slamet nang ndunyo.

Mestine, nek gak terimo mergo kalah pemiliu, ndak usah ngompori wong liyo rusuh. Kumpulno bukti curange Dul, terus ajokno gugatan nang Mahkamah Konstitusi. Nek pelakune jelas, isok ae tok laporno polisi.

Ning buktine yo kudu sing kuat. Ora mung link berita onlen-onlen. Nek mung ngono podoae karo wong umum sing tukang share-share kae. Lha nek kadung nekad nglawan, nanging buktine mung link onlen-onlen, iku jeneng njeketek ae. (rif)