Nginceng "Omahe" Uwong, Sing Penting Ngopi Cuk...

Ngintip. Ngindik, Nginceng. Nginjen. Wis embuhlah opo ae istilahe. Pokoke ngono iku. Intine soal nginceng iku mau. Oleh gak se nginceng iku?

Nek ngincenge hal positif, mestine oleh. Tapi nek sing diinceng hal negatif, yo mestine gak oleh. Sik ta, tapine opo yo onok nginceng iku sing positif? Koyo to?

Nek nginceng wong adus, nginceng wong lagi... (sensor) jelas gak oleh. Sejene kelakuan saru, yo ngene iki sing jenenge hal negatif. Nek misale, nginceng pembangunan masjid, ngincenge tekan jendela omah, sementara mbangune masjid nang sebelah omah, ngene iki pasti oleh. Soale nginceng sing positif.

Nek misale nginceng medsose uwong liya opo oleh? Mestine gak dilarang. Wong jenenge ae medsos. Beda maneh nek medsose dikunci. Nah, ngene iki sing mestine gak oleh. Artine, sing duwe medsos gak gelem sembarangan “omahe” dideloki uwong. Nek wis ngene, koen yo gak oleh mekso.

Oke. Nek ngono saiki ayo tak ajak nginceng medsose coffeetalksurabaya. Koen lak durung follow instagrame se? Nek durung followen saiki. Iki medsos keren. Medsose arek-arek penggiat kopi sing jempolan. Medsose arek-arek sing gak onok keseke nularno ilmu-ilmu kopi mbarek sopo ae.

Postingane paling anyar jan jos temenan. Gambare dikeki caption: Sing Penting Ngopi Cuk...

Caption sing khas temenan. Khas wong etanan. Khas arek suroboyoan.  Opo tandane? Yo Cuk iku mau. Jajal simaken tulisan nang ngisore.   

Manual brew coffee. Ngerti gak? Nek gak ngerti simaken tak jelasno.  Dadi, manual brew coffee iku ngono sakjane hal sing diarani alternatif gawe nyenengi kopi. Gak nyenengi tok, tapi yo nggawe seduhan kopi barang.

Gawe wong-wong sing nyekek kopi, manual brew coffee iki iso diistilahno cara sik unik gawe nikmati rasane kopi. Alasane wong-wong sing seneng nggawe seduhan kopi gaya ngene iki, akeh variabel sing iso dimaeno gawe nggoleki rasa kopi sing sejati. Mergo alat-alate khusus, gak nggawe listrik, beda tangan iso beda soal rasa. Sejene didelok nyenengne banget pas nggawe kopi, cara manual brew coffee iki yo iso diarani nggawe seduhan kopi sing nyeni.

Saiki ngono, nek gelem metani, gelem mendeliki gaya nyeduh kopi nggawe manual brew iki uakeh teknike. Muacem-macem. Seje teknik seje nang rasa. Opo maneh seje alat, pasti tambah beda rasa. Pokoke duwe cara dewe-dewe soal teknik.

Misale ngene. Nek kepingin gawe seduhan kopi sing entheng, manis, gak abot-abot, ngelangut, alat pilhane mestine sing diarani alat pour over. Nanging nek kepingin nggawe kopi sing rasane strong, kandel boldine, alat sing pas dijenengi french press.

Na... saiki akeh pilihan nggawe kopi. Alate opo maneh. Uakeh. Saiki garek blajar karo nyiapno duit gawe tuku alat. Ojok kuatir. Ojok sumelang gak iso. Oleh takon nek gak iso. Iso diwuruki barang. Makane kuwi, ojok ragu follow instagrame. Nek isin, nek ragu, ngontak lan njaluk wuruk ngopibareng.id yo oleh. Yo gratis. Makane, ojo lali yo mendeliki ngopibareng,id iki. (widikamidi)