Empal, aduhhh kemecer iki dab... (Foto:dok Bu Warno/Istimewa)

Mreneo Tak Kandani, Empale Bu Warno Uenak

NgopiKampung 07 June 2019 08:07 WIB

Saiki dino Jumat. Saiki, 7 Juni 2019. Artine riaya wis telung dino. Riaya ketelu. Biasae salaman wis kemput nek ngene iki.

Kemput iku istilah lawas, artine wis kabeh. Sopo ae wis disalami. Mulai arek cilik sampek wong buyuten.

Duit anyar-anyar koyok setrikoan olehe ijol soko bank yo wis tipis. Garek sing gede-gede. Gawe nyangoni arek-arek kampung. Ponakan-ponakan. 

Nah saiki Jumat. Wayahe dolan. Kapan maneh. Libur garek sak met. Cuti bareng-bareng tekan pemerintah meh lewat. Nek telat, nek lewat, gak keduman liburan. Senewen akhire.

Nah jajalen dewe dab Mengko nek koen tak critani kabeh malah gak percoyo Fotodok IstimewaNah, jajalen dewe dab. Mengko nek koen tak critani kabeh malah gak percoyo. (Foto:dok Istimewa)

Plesir nang endi keon rek? Nek podo ambek aku, nek ngono Jogjakarta tujuane. Kutho sing kenangan. Kenangan opo se? Rahasia dong! Mosok sing rahasia perlu tak critakno nang wakmu. Lak isin aku. Podo ae ambek ngumbar warnane sempak. 

Nek wis nang Jogja, nek tekan Malioboro, wis ngintip isine Sarkem, lan lan sapanunggalane, ojok lali kulineran. 

Kulineran nek sing mainstream yo gudeg. Opo maneh. Yo mek iku kan. Nek Mbok Berek, Ayam Goreng Suharti, Brongkos, yo wis cukup biasa. 

Trus sing gak biasa opo? Empal! Duduk khas Jogja sakjane, tapi iso gawe alternatif. Nek empal Semarangan akeh. Opo maneh Jawa Timuran, tambah akeh.

Soal perempalan, sing lezat, sing saiki meh mlaku dadi legendaris, yoiki Warung Sego Empal Bu Warno. Nang endi iku? Nang Pasar Bringharjo. Nang sebelah ndukur. Nang susun loro.

Wis lho yo, komplit arahe lho yo, ojok sampek kesasar. Nek sampek kesasar salahmu dhewe. Gak nyimak nek dikandani.

Wihhh lezat iki ngiler dehWihhh lezat iki, ngiler deh....

Warung Sego Empal Bu Warno wis meh 20 taun nang Pasar Bringharjo. Ket taun 1991 persise. Wis dowo jam terbange. Wis iso ditotohi rasane.

Sego empal Bu Warno beda temenan. Bedo ambek sing liyane. Gak mergo rasane thok, tapine yo panggone iku. Aneh. Nang njero pasar sing terkenale malah dodolan batik.

Rasane, bumbune onok kecape onok petise. Daginge empuk. Ketok nek diungkep jam-jaman. Kadang sampek limang jam suwene nek ngungkep.

Daginge yo khusus. Mesti bagian pupune sapi. Nek gak ngono pilihane yo ndukure dengkule sapi. Empal disajekno bareng sego panas kepul-kepul. Sambel korek. Trus jangan lodeh mangkok dipisah. Regone, pualing larang 17 ewu. Cckckck murah tenan, ayok budhal yok dab. (idi)

Penulis : Widi Kamidi

Bagikan artikel ini

Berita terkait:

16 Aug 2019 19:14 WIB

Sedepnya Ingkung Waroeng Pohon, Apalagi Suasananya Itu Lho

Suedep Tenan

Ngopibareng.id menjajal ayam ingkung Waroeng Pohon Jogja.

09 Jul 2017 11:32 WIB

Seperti Menaruh Warung di Teras Supermall

ngopiTRAVEL

SEPERTINYA Malioboro tetap magnet bagi siapapun yang ke Jogja. Di hari-hari tertentu macetnya bukan main. Ini yang sering membuat warga Jogja sendiri menghindarinya di kala ramai. Saya sudah pu

Lihat semua

Topik Lainnya

Temukan topik menarik lainnya.