Jeglerrr, Suwara Montor Muluk Nggupuhi wong Sak Suroboyo

22 May 2019 05:29 NgopiKampung

Saiki wis subuh. Adzan yo wis lewat. Ambek budhal nang masjid wong-wong sik gremengan. Nggerundel gak karu-karuan. Sing gak budhal nang masjid wong-wong podo nang ngarep omahe dewe-dewe. Podo pingin weruh, suwara buanter sak durunge subuh mau iku asline suwara opo. Bener suwara jet ta?

"Suwara helikopter paling, dudu jet. Kok ndengareni onok motor muluk isuk-isuk ngene iki," jare Abah Alfan, bakul soto nang wilayah Petemon 4, Suroboyo.

Abah Pan, celukane, ngaku mak jengirat kaget krungu suwara banter nang ndukur omahe. Yo kaget yo wedi. Trus mlayu mbukak lawang, mlayu nang njobone omah. Ndeloki langit. Gak onok opo-opo. Suwara helikopter opo suwarane lindu opo suwarane omah rubuh.

"Guduk helikopter Abah Pan, iku mau suwarane montor muluk jet. Nek helikopter kan muni gludug gludug gludug tekan kitirane. Trus gak iso mak wesss ngono iku. Iso ae tentara iki, ngageti uwong. Tapi kan lumayan Abah Pan, iso tangi sahur pas wektune," jare Yahya, mahasiswa kedokteran Unair, Surabaya.

Instagrame aslisuroboyo FotoIsntagram
Instagrame aslisuroboyo (Foto:Isntagram)

Memang gak biasane onok montor muluk mabur isuk-isuk koyo mau. Persise jam telu seprapat nek nang langit Suroboyo. Dadi yo pantes nek dadi omongan warga sak arat-arat. Durung sing biasa jantungan nek krungu suwara banter, iso misuh-misuh gak karu-karuan.

Sakjane, nek misale gelem nginceng instagrame aslisuroboyo, suwara jet sing buanter mau gak perlu digawe gupuh. Biasa ae, ojok kagetan. Jare TNI AU yo wis woro-woro nang instagrame. Nek wayah sahur katene nggawe tradisi anyar. Nangekno wong-wong nggawe mesin jet. 

"Masio rek ditangekno. Tapi nek suwarane buanter ngono jenenge yo tetep ae ngageti. Trus maneh kenthongan dadi gak payu no. Trus, maneh opo ngono kuwi gak boros bensin gawe montor muluk iku?" jare Wak Kimidi, bakul kopi sing nang Taman Bungkul, Suroboyo. (idi)

Nyoh deloken bener to ditangekno montor jet montor muluk FotoInstagramTNI AU
Nyoh, deloken, bener to ditangekno montor jet montor muluk. (Foto:Instagram/TNI AU)
Reporter/Penulis : Widi Kamidi


Bagikan artikel ini