Arek-arek nekad, apene bacokan massal nang Jalan Jakarta, Suroboyo. (Foto:Istimewa)
Arek-arek nekad, apene bacokan massal nang Jalan Jakarta, Suroboyo. (Foto:Istimewa)

Geng Arek-Arek Kencur Meh Bacokan Massal Nang Suroboyo

Ngopibareng.id NgopiKampung 02 September 2019 13:57 WIB

Jare sopo nang Suroboyo gak onok geng-gengan? Mbujuk pol nek onok sing ngomong koyok ngono. Iki lho buktine!

Polres Tanjung Perak, Suroboyo, wingi bengi ngamanno gak kurang 30 arek. Puluhan arek-arek iku dicekeli polisi polahe katene bacokan massal nang Jalan Jakarta, Suroboyo.

Janjanne jumlahe arek sing katene gelut, tawuran, ambek bacokan iku mau jumlahe onok atusan. Nanging, mek 30 sing isok dicekel polisi. Sing liyane mblayu semburat mlebu gang-gang tikus antarane Jalan Rajawali mbarek Jalan Gresik, Suroboyo.

Antonius Agus Rahmanto, Kapolres Tanjung Perak, Suroboyo, ngungkapno, jumlahe arek-arek sing katene gelut, gebug-gebugan, tawuran, mungkin yo bacokan iku mau asline gak kurang tekan 200-an arek. Nanging mek 30-an arek sing iso digrebek mbarek anak buahe.

Hebate, jare Antonius Agus Rahmanto, arek-arek sing katene gawe rusuh nang tengahe Suroboyo iku mau kuabeh arek kencur. Arek bayek-bayek. Arek-arek sik sekolah SMP. Umure rata-rata 14-16 tahun. Malah onok sing sik umur 10 tahun. Sik kelas limo SD.

Ngene iki jian gendeng temenan. Arek-arek sakmono wis nekad-nekad. Koyok matek-matek o mbelani gumbulane. Pas digrebek polisi iku, arek-arek sing sik nyusu emakne iku nggowo gaman macem-macem. Onok clurit, arit, graji, sabuk ndas gir sepeda, roti kalung, ambek gaman rakitan liyane.

Jare Kapolres, arek-arek kencur iku mau asale saka rong geng. Siji asale tekan geng sing jenenge Aliansi Jawara Kampung. Sijine: Geng All Star Suroboyo.

Polisi asline wis mantau geng arek remek-remek iki. Mantaune lewat Facebook. Rong geng iki panas-panasan lewat Facebook iku mau. Titik emosine yo wingi bengi jam siji iku. Jalan Jakarta sing katene didadekno padang kurusetrone.

Polisi gak kalah kesit. Geng All Star dicegat nang Jalan Rajawali. Geng Aliansi Jawara Kampung dicegat nang Jalan Gresik. Hasile? Yo iku mau, polisi panen clurit, arit, roti kalung, graji, ambek gaman sing liyane.

Wah... gak seru no wong gak sido tawuran ambek bacokan massal. Endasmu iku! Ngomong sing bener! Tak kandakno polisi dicekel pisan koen. (*)

Penulis : Widi Kamidi

Bagikan artikel ini

Berita terkait:

15 Feb 2021 08:43 WIB

Beli Jet Tempur Rafale dari Prancis, Ini Sinyal Kuat Kemenhan RI

Nasional

Pembahasan Offset pengadaan pesawat Rafale penuh kekeluargaan

14 Jan 2021 12:30 WIB

Nikmati Sensasi Memasak Makan dan Minum di Perkampungan Korea

Coffee & Resto

Di Perkampungan Korea ini, dijamin menyenangkan.

15 Sep 2020 15:13 WIB

Dua Jet Tempur F-16 Gelar Patroli Perbatasan Indonesia-Australia

Nasional

Patroli perbatasan itu digelar selama 4 hari sejak Senin hingga Kamis.

Lihat semua

Topik Lainnya

Temukan topik menarik lainnya.

Tirto.ID
Loading...