Filipina Iku Yok Opo Se, Gak Wedi Diganyang Bu Susi Ta?
Jakarta rame yo wis babahno. Wis akeh sing ngurusi. Polisi, tentara, wis tumplek blek nang kono. Pasti beres. Kudu beres. Pokoke sing penting laut Indonesia iku aman. Laut iku simbol kedaulatan. Hakiki iku rek.
Nek gak percoyo coba cek Ratu Kidul iko. Nyi Roro Kidul iko lho. Begitu berdaulate nang laut kidul. Nah, kan gak onok sing main-main nang laut kidul to? Pingin kalap tak yok opo nek wani-wani sembarangan nang wilayah kekuasaane Kanjeng Ratu Kidul.
Bukti nek laut Indonesia aman berdaulat, wingi iku 23 Mei 2019, kapal Filipina diserok “pasukan” tekan Kementerian Kelautan lan Perikanan (KKP) Republik Indonesia. Jumlahe kapal loro. Jenenge kapale apik cuk nggatheli: FB Golden Boy ambek FB Girlan. Kapal-kapal iku mau diserok KKP mergo kepergok nyolongi iwak nang Laut Sulawesi.
Koplo ta yok opo se, Nahkodae FB Golden Boy ambek FB Girlan iku. Opo gak ngerti kabar nek menteri pengampu laut Indonesia iku galake gak jamak. Gak duwe wedi, pokoke kebukti salah, diganyang. Dibledakno! Rasakno nek wis ngene iki.
Ngene kronologise; kapal loro mau diserok KKP tekan laut pas jam 08.00 WITA. Begitu kecekel, nang njeroe Kapal FB Golden Boy onok 4 awak kapal warganegarane Filipina. FB. Girlan yo ngono. Podo ae. Kabeh awak kapale warga negara Filipina.
“Kapal Filipina jumlahe loro iku diserok KKP nang wilayah Pengelolaan Perikanan Negara Republik Indonesia (WPP-NRI) 716 Laut Sulawesi. Pas kuwi “pasukan” KKP onok Kapal Pengawas Perikanan (KP) Hiu 015. Nahkodane Aldi Firmansyah." Jare Agus Suherman, Plt Direktur Jenderal Pengawasan Sumber Daya Kelautan dan Perikanan (PSDKP) Jumat, 24 Mei 2019.
Jare Agus Suherman, kapal Filipina iku mau diserok pas dipergoki njaring iwak gak nggawe izin (illegal fishing) nang perairan Indonesia. Ngerine maneh nangkepi iwak mau nggawe alat tangkap handline. Kapal loro iku mau pas dipergoki KKP wis berhasil njaring iwak 125 kg jenis tuna. Iwak top markotop sing dadi salah siji iwak sing larang regone.
Trus, Menteri Kelautan, Bu Susi, sing terkenal menteri paling teges iku ngomong opo? Durung ngerti, soale ngopibareng.id pirang-pirang dino ngoleki Bu Susi gak iso terus. Sibuk paling wonge.
Tapi sing jelas, penangkapan kapal loro iku memang bener. Bener-bener onok tenan maksute. Kapal asing duwekne negara Filipina iku mau disasar Undang-Undang No 45 Tahun 2009. Pingin ngerti ancaman pidanane? Paling elek nemtahun penjara karo dendo paling akeh Rp20 miliar. Modar gak koen nek ngono iku.
"Saiki kapal loro gendera Filipina iku mau, ambek kabeh awak kapale, diseret nang ke Stasiun PSDKP Tahuna Sulawesi Utara. Nek wis merapat nang pelabuhan lansung ape disidik Penyidik Pegawai Negeri Sipil (PPNS) Perikanan," Jare Agus. (idi)