Diajar sampek gulung-gulung nang ndukur rel. (Foto:Istimewa)
Diajar sampek gulung-gulung nang ndukur rel. (Foto:Istimewa)

Bruakkk... Diajar KA Taksaka Pak Camat Meh Ketemu Malaikat

Ngopibareng.id NgopiKampung 01 August 2019 15:56 WIB

Jenenge apes ancene gak tahu pilih-pilih. Sopo ae isok kenek apes. Termasuk Pak Camat Herry Raharjo. Camat Purwodadi, Kabupaten Purworejo, Jawa Tengah.

Pas liwat palang sepur nang Desa Plandi, sik mlebu kecamatane dewe, mobile disamber spoor. Bruakkk... glosor... glosor... glosor. Mobile sakkal gulung-gulung keseret spoor nang ndukure rel. 

Pak Camate? Matek? Ajur? Gak blass! Nasibe uapik. Mobile ancene dedel duel diajar ulo wesi Taksaka. Nanging nyawane sik tetep nempel nang awak. Pak Camate yo gak sido ketemu mbarek malaikat. Seger waras. Mek kulite mlecet-mlecet.

Critone sore wingi. Setengah surup Camat Herry Raharjo numpak mobil dinas AA 154 AC. Plat Abang. Herry nyetir dewekan. Rekene katene moleh nang omahe sakwise njalakno tugas tekan Desa Tlogorejo.

Tekan palang spoor, rel dobel, Desa Plandi, Harry gak ngrasakno onok sing aneh. Gak onok ugo tondo-tondo spoor katene lewat. Sebab iku, dekne suantai ae nglintasi rel dobel iku.

Eh... durung sampek mari ban mobile mlumpat rel spoor sing keloro, spoor Taksaka ngerti-ngerti lewat. Buantere koyok angin lesus. Wesssss. 

Suasanane dadi kritis. Koyone, Pak Camat Harry, gak nyadar nek buntute mobile sik nang ndukure rel. Suarane bel spoor sing buanter koyok bledek koyone ketutup lamunane Pak Camat nang njero mobile. Dadine, sikile yo gak ngidek gas supoyo cepet-cepet liwat tekan ndukure rel.

Yo uwis, bruakkkk... buntut mobil diajar ndase Taksaka sak kencenge. Mobil sampek malik trus keseret nang ndukur rel. Wong-wong sing ndeloki kejadian iku mek iso mlongo. "Wes, mesti mati iku sopire," batine.

AKP Sutrisno, Kapolsek Purwodadi, ngiro-iro, Pak Camat koyone setengah nglamun nang njero mobil. Sebab iku, dekne sampek gak krungu blas nek onok spoor lewat.

Mobile Pak Camat memang keseret. Sampek cukup adoh. KA Taksaka ne yo sempat mandeg. Masinise sempat mudun. Ngecek kono-kone onok kerusakan opo gak. Rupane gak onok sing rusak blas. Gak onok masalah. Masinis numpak maneh, trus KA Taksaka budal maneh.

Mobile Pak Camat dirubung wong akeh. Gedubrak, lawang mobile mbukak. Pak camat metu. Waras. Praupane pucet koyo kapas. Nggreweli sikile. Gak isol ngomong. Trus ditulungi warga. Slamet isih urip, jare warga. Slamet gak sido ketemu malaikat. (*)

Penulis : Widi Kamidi

Bagikan artikel ini

Berita terkait:

28 Feb 2021 04:05 WIB

Tambah Empat Stasiun Kereta Api Penyedia Tes GeNose Covid-19

Nasional

Hasil tes GeNose berlaku 3x24 jam.

22 Feb 2021 13:00 WIB

Daop Surabaya Kembali Batalkan Perjalanan KA tujuan Jakarta

Jawa Timur

Banjir belum surut membuat perjalanan kereta terhambat.

21 Feb 2021 20:36 WIB

Pembatalan Tiket Kereta Api Akibat Banjir di Jakarta

Jawa Timur

Para calon penumpang kereta api membatalkan keberangkatan.

Lihat semua

Topik Lainnya

Temukan topik menarik lainnya.

Tirto.ID
Loading...