Bejat, 3 Guru Rame-Rame Ngeloni Muride, Konangan Mergo Meteng

Iki ancene jaman edan. Mestine guru ngajari apik nang muride, aiki malah jlumplrungno nangd kesengsaran. Ora malah menehe ilmu pengetahuan, nanging rame-rame ngrudopekso ngeloni koyok bebojoan.

Kedadean edan iki onok salah siji SMP nang Cikeusal, Serang, Banten. Sing kurang ajar maneh, telu guru iku ngrudopekso muride dewe nang laboratorium panggonane arek-arek wedok iku sekolah.

Kelakuan bejat telu oknum guru iki ora atene kebongkar nek salah sajine murid sing apes iku orang meteng. Mergo salah siji arek korban pemerkosaan guru iku meteng, keluargane terus lapor nang polisi. Kasus iki yo wes diweruhi Lembaga Perlindungan Anak (LPA) Provinsi Banten.

Murid sing nasibe apes mergo diperkosa gurune dewe sampek meteng iki arane DO. Dikancani wong tuwo lan sedulure DO wes lapor nang Mapolres Serang, Seloso (11/6/2016) kepungkur.

Jarene Ketua LPA Banten Uut Lutfi robg dino kepungkur, sing wis lapor polisi mung DO. Loro murid wedok liyane durung lapor nang polisi. "LPA atene golek informasi korban liyane," jare Uut nang wartawan.

Manut keterangan, arek telu murid SMP korban perkosaan gurune dewe iku mari lulusan sekolah. Mangkane, DO lan keluargane wani lapor nang polisi. Sakdurunge ora wani lapor mergo wedi nek gak dilulusne.

Telu oknum guru sing bejat iku dikiro merkosa muride dewe nang laboratorium sekolah. Sing kurang ajar maneh, perkosaan iku dilakoni wektu kegiatan belajar mengajar. Ngawur tenan kan? 

Salah sijine oknum guru sing bejat kuwi inisiale ON. Guru liyane sing melu bejat durung konangan mergo DO isih trauma. "Manut keterangane DO, 3 guru iku nglakoni kelakuan bejate bareng-bareng," tambah Uut.

LPA atene nekakne psikolog kangge bantu mulihne kondisi jiwane korban. Uut ugo arep nemoni pihak sekolahane mergo peristiwa iku kedadean nang sekolahan.

Kasat Reskrim Polres Serang Ajun Komisaris Polisi (AKP) David Chandra ngakoninek polisi wes entuk laporan kedadean iku. "Bener. Kasuse wes ditangi karo Unit Perlindungan Perempuan dan Anak (UPPA) Satreskirm Serang. Lagi proses," jarene. (Disadur soko JPNN)