Pembom Kartosuro Kejet-Kejet Ning Ora Matek

Edan tenan. Malem poso-poso, ora malah nggetem ibadah, tapi malah ngebom pos polisi. Kedadian sedino sakdurunge Riyoyo Lebaran iki ono ing Pos Polisi Kartosuro. 

Polisi ngiro iki bom bunuh diri. Onok wong nang lokasi bom sing sempat kejet-kejet nanging durung sampek matek. Wong iku sing didugo pelaku bom bunuh diri kanti sasaran pos polisi.

Jarene saksi moto sing dikutip TV One, sakdurunge ledakan, onok wong sing ora dikenal nyedaki pos pantau Pospam Tugu Kartosuro. Wong iku nganggo kaos werno ireng lan celono jeans. Nang kupinge dipasangi headset. 

Saksi terus ndelok menowo wong mau lungguh nang trotoar pos pantau. Ora let suwe, kiro-kiro jam 22.30 WIB, onok suaro mbledos soko pos pantau kuwi. Duarrr....

Polisi sing lagi onok pos pantau terus podo mlayu nylametake deweki dewe-dewe. Sakwuse kuwi, lokasi mbledosan mau disterilno polisi. Nang lokasi wong sing mau bloteh getih, kejet-kejet, neng ora matek. Korban sing dikiro pelaku bom bunuh diri iku terus digowo nang rumah sakit.

Durung dipastekno opo sumber bledosan kuwi. Bom gede opo mung mercon low explotion. Nek didelok tatune korban, koyoke mung bom cilik-cilikan. Korbane mung tatu nang wetenge lan tangane gubras getih.

Polisi saiki wes ngamano lokasi kedadian. Ora mung dijogo polisi biasa, nanging ugo dijogo karo polisi sing nganggo senjata komplit laras dowo. Polisi lalu lintas ugo ngatur lalu lintas sing lagi rame wong sing age mudik lebaran.

Lokasi kedadian bom bunuh diri iki onok ing pertigaan jurusan semarang, Solo lan Jogjakarta. Mangkane dalane rame banget. Lokasi bom iku yo ora adoh soko markas Kopassus sing ono Kartosura.

Polisi durung iso nyimpulne motif bom bunuh diri iki. Ning, yo jarene arek-arek, korbane kuwi yo gapleki tenan. Wayahe wong seneng-seneng arep lebaran sik dolanan bom. Lek yo soro. Opomaneh pingin matek ning ora matek. (Rif)